Guðrún Brá Björgvinsdóttir, atvinnukylfingur úr Keili í Hafnarfirði, átti afar góðan annan hring á Women‘s NSW Open-mótinu á Evrópumótaröðinni í golfi í Ástralíu í nótt.
Guðrún Brá lék holurnar 18 á 71 höggi, einu höggi undir pari.
Samtals hefur hún leikið hringina tvo á 146 höggum og er þannig samtals á tveimur höggum yfir pari.
Með hringnum í nótt er Guðrún Brá búin að vinna sig talsvert upp á listanum og er nú í 35. til 41. sæti á mótinu.
Svíinn Maja Stark leiðir á því en hún er í efsta sæti eftir að hafa leikið hringina tvo á 137 höggum, sjö höggum undir pari.