Guðrún Brá Björgvinsdóttir, atvinnukylfingur úr Keili, lék á tveimur höggum yfir pari á fyrsta hring á móti í Bangkok í Taílandi í Evrópumótaröð kvenna í nótt.
Guðrún Brá lék hringinn á 74 höggum og er í 46. – 50. sæti að honum loknum.
Heimakonan Patty Tavatanakit frá Taílandi er í efsta sæti eftir fyrsta hring eftir að hafa leikið á 66 höggum, sex höggum undir pari vallarins.
Annar hringurinn á mótinu verður leikinn aðfaranótt föstudags.