Axel og Heiðrún í forystu á Akranesi
Setja bókamerki
Axel Bóasson og Heiðrún Anna Hlynsdóttir eru í toppsætum B59 Hotel mótsins. Mótið er það fyrsta af sex í mótaröð Golfsambands Íslands í sumar. Leikið er á Garðavelli hjá Golfklúbbi Leynis á Akranesi.
Axel, sem leikur fyrir Keili, er á sex höggum undir pari eftir tvo hringi en hann lék annan hringinn í dag á 71 höggi, einu höggi undir pari. Hann lék fyrsta hringinn í gær á 67 höggum.
Aron Snær Júlíusson og Sigurður Arnar Garðarsson úr GKG koma næstir á fimm höggum undir pari og stefnir því í spennandi lokahring hjá körlunum.
Heiðrún Anna er með fimm högga forystu á Jóhönnu Leu Lúðvíksdóttur eftir tvo hringi í kvennaflokki. Hún er á samtals einu höggi yfir pari en hún lék fyrsta hring á 71 höggi og annan hring á 74 höggum.
Kristín Sól Guðmundsdóttir er í þriðja sæti á sjö höggum yfir pari og María Eir Guðjónsdóttir í fjórða á átta höggum yfir pari.
Þriðji og síðasti hringur mótsins verður leikinn á morgun.
Vélsleðaslys: Þyrlan kölluð út á mesta forgangi
Skiptir miklu meira máli en fólk grunar
„Það þarf að vinna mikinn fjölda upp“
Tveir í bílnum sem lenti utan vegar
Banna mengandi búnað sem leyfður er á Íslandi
„Hvílir mikil leynd yfir þessu öllu“
Sex hafa greinst með listeríu