Ólafía Þórunn Kristinsdóttir lék fyrsta hringinn á Naxhelet-mótinu í Belgíu á pari í dag en mótið er hluti af Evrópumótaröð kvenna í golfi.
Ólafía lék á 72 höggum og deilir sem stendur 30. sæti með fjölmörgum öðrum keppendum en margar eiga eftir að ljúka hringnum.
Um þriggja daga mót er að ræða og því lýkur á sunnudaginn. Guðrún Brá Björgvinsdóttir er ekki með að þessu sinni.