Freistar þess að komast á US Open í dag

Gunnlaugur Árni Sveinsson, kylfingur úr GKG, tekur þátt í lokaúrtökumóti fyrir US Open á Bent Tree Country Club vellinum í Dallas í Texasríki í Bandaríkjunum.

Gunnlaugur fer af stað rúmlega 12 að íslenskum tíma. 86 kylfingar munu berjast um 7 laus sæti, en þar á meðal eru margfaldir sigurvegarar á PGA mótaröðinni og því ljóst að samkeppnin verður hörð.

Frétt af mbl.is

Fyrsta árið lyginni líkast

Lokaúrtökumót US Open er síðasta stigið í átt þátttöku í einu af fjórum risamótum golfsins. Þar leika kylfingar 36 holur á einum degi, og aðeins þeir efstu tryggja sér sæti á sjálfu mótinu.

Lokaúrtökumótin fara fram á 13 stöðum, en Dagbjartur Sigurbrandsson mun leika í einu þeirra þann 2. júní.

Öflugir kylfingar keppa

Gunnlaugur Árni verður í holli með tveimur öflugum kylfingum:

Thomas Rosenmüller: Þjóðverji sem leikur á PGA mótaröðinni og var liðsfélagi Hlyns Bergssonar í háskólagolfinu hjá North Texas.

Lance Simpson: Bandarískur áhugamaður sem leikur fyrir háskólalið Tennessee. Hann er í 41. sæti á heimslista áhugamanna (WAGR), einu sæti fyrir neðan Gunnlaug, og var einu höggi á eftir honum í nýlegu svæðismóti NCAA.

Margir þekktir kylfingar taka þátt í lokaúrtökumótinu í Dallas. Meðal þeirra eru LIV kylfingarnir:

Abraham Ancer
Branden Grace
Cameron Tringale
Carlos Ortiz
Kevin Na
Sergio Garcia

• Blogga um frétt