Einar Örn, Ragnar og Sverrir í fyrsta landsliðshópi Alfreðs

Alfreð Gíslason tilkynnti í hádegi fyrsta landsliðshópinn sem hann velur eftir að hann tók við starfi landsliðsþjálfara í handknattleik karla fyrir skömmu. Hann valdi 20 leikmenn sem verða í æfingabúðum í Magdeburg í Þýskalandi 10. til 17. apríl. Þá verða fyrstu skrefin í undirbúningi landsliðsins tekin fyrir leikina við Svía í júní, en þeir skera úr um hvor þjóðin tekur þátt í heimsmeistaramótinu í Þýskalandi í byrjun næsta árs. Mesta athygli vakti að Alfreð valdi m.a. Einar Örn Jónsson, Ragnar Óskarsson og Sverri Björnsson, en þeir hafa ekki átt sæti í landsliðinu undanfarin ár. Þá koma Jaliesky Garcia, Markús Máni Michaelsson og Logi Geirsson inn í landsliðið á nýjan leik eftir að hafa misst af EM í Sviss vegna meiðsla.

Alfreð sagði á blaðamannfundi þegar landsliðið var tilkynnt að þetta væri sá hópur sem hann ætlaði sér með í leikina við Svía. Hann hefði kosið að velja fjölmennan hóp að þessu sinni til þess að átta sig vel hvar leikmenn standa fyrir verkefni stóra í júní. Markverðir:
Roland Valur Eradze, Stjörnunni
Birkir Ívar Guðmundsson, Haukum
Hreiðar L. Guðmundsson, KA
Aðrir leikmenn:
Vignir Svavarsson, Skjern
Jaliesky Garcia, Göppingen
Sigfús Sigurðsson, Magdeburg
Sverrir Björnsson, Fram
Arnór Atlason, Magdeburg
Guðjón Valur Sigurðsson, Gummersbach
Snorri Steinn Guðjónsson, GWD Minden
Ólafur Stefánsson, Ciudad Real
Einar Hólmgeirsson, Grosswallstadt
Einar Örn Jónsson, Torrevijea
Alexander Petersson, Grosswallstadt
Baldvin Þorsteinsson, Val
Róbert Gunnarsson, Gummersbach
Ragnar Óskarsson, Ivry
Logi Geirsson, Lemgo
Markús Máni Michaelsson Maute, Düsseldorf
Ásgeir Örn Hallgrímsson, Lemgo
mbl.is
Fleira áhugavert
Fleira áhugavert