Anna Úrsúla íþróttamaður Vals 2011

Anna Úrsúla Guðmundsdóttir.
Anna Úrsúla Guðmundsdóttir. mbl.is/Ómar Óskarsson

Anna Úrsúla Guðmundsdóttir, landsliðskona í handknattleik, var í dag útnefnd íþróttamaður Vals 2011. Anna hefur verið í lykilhlutverki í Valsliðinu sem varð Íslandsmeistari á árinu auk þess sem liðið vann þrjá aðra titla.

„Anna Úrsúla á að baki 77 A-landsleiki fyrir Íslands hönd og er af mörgum talin mikilvægasti leikmaður landsliðsins,“ segir í fréttatilkynningu frá Val.

Anna Úrsúla var valin leikmaður ársins á lokahófi HSÍ, jafnframt var hún valin mikilvægasti leikmaðurinn við sama tilefni og hlaut þá Sigríðarbikarinn sem nefndur er og gefinn til heiðurs Sigríði Sigurðardóttur, einnig var Anna kosin besti varnarmaður deildarinnar og var í liði ársins.

mbl.is
Fleira áhugavert
Fleira áhugavert