Ólafur Bjarki Ragnarsson átti stórleik fyrir West Wien þegar liðið tapaði á útivelli fyrir Schwaz, 33:26, í austurrísku úrvalsdeildinni í handknattleik í kvöld.
Ólafur Bjarki skoraði 8 mörk fyrir West Wien og var markahæstur hjá liðinu, en Viggó Kristjánsson minnti einnig á sig með þrjú mörk. Staðan í hálfleik var jöfn, 14:14, en ekkert gekk eftir hlé hjá lærisveinum Hannesar Jóns Jónssonar hjá West Wien.
West Wien er með 18 stig eftir 15 leiki og situr í fjórða sætinu.