Guðmundur hafði betur gegn Degi

Guðmundur Guðmundsson stýrði liði Barein til sigurs í vináttulandsleik liðsins gegn lærisveinum Dags Sigurðssonar í Tókýó í Japan í morgun. Lokatölur urðu 21:20 í spennandi leik.

Þjóðirnar mætast einnig á morgun í öðrum vináttuleik en um er að ræða undirbúning beggja liða fyrir Asíumótið sem fram fer í Suður-Kóreu sem hefst 18. janúar.

Þetta er í fjórða skiptið sem Dagur og Guðmundur etja kappi sem landsliðsþjálfarar en þeir mættust einnig um jólin í vináttuleik í Póllandi með sömu lið. Þá vann Barein stórsigur. Áður höfðu þeir mæst er Guðmundur stýrði liði Íslands gegn Austurríki. Þá mættust þeir einnig er Dagur þjálfari Þýskaland og Guðmundur Danmörku.

• Blogga um frétt