Haukar lögðu Fram að velli, 24:23, þegar liðin mættust í 13. umferð Olísdeildar kvenna í handbolta í Schenker-höllinni í kvöld. Þetta var fyrsti leikur deildarkeppninnar eftir að um tæplega mánaðar jólafrí hafði verið gert á deildinni.
Eftir jafnan og hraðan fyrri hálfleik fór Fram með tveggja marka forystu inn í hálfleikinn. Fram hóf síðan seinni hálfleikinn af miklum krafti og náði átta marka forskoti um miðjan seinni hálfleikinn.
Haukar gáfust hins vegar ekki upp og með Elínu Jónu Þorsteinsdóttur í banastuði bak við þétta vörn Hauka, og Mariu Pereira í feiknastuði í sóknarleiknum náðu Haukar að landa eins marks sigri.
Maria Pereira var markahæst í liði Hauka með sjö mörk, en Ragnheiður Júlíusdóttir og Elísabet Gunnarsdóttir voru atkvæðamestar í liði Fram með sex mörk hvor.
Haukar eru í öðru sæti deildarinnar með 21 stig eftir þennan sigur, en liðið er einu stigi á eftir Val sem trónir á toppi deildarinnar.
Fram er hins vegar með 16 stig í þriðja sæti deildarinnar og er fimm stigum á eftir Stjörnunni sem er í næsta sæti fyrir neðan þau lið sem komast í úrslitakeppni deildarinnar í vor.
Haukar | 24:23 | Fram | Opna lýsingu Loka | |
---|---|---|---|---|
60. mín. Leik lokið Haukar vinna eftir ótrúlega endurkomu og dramatískan leik. | ||||
Augnablik — sæki gögn... |