Valskonur áttu ekki í miklum vandræðum með að vinna Selfoss í Olísdeild kvenna í handbolta í Valshöllinni í dag, 30:14. Staðan í hálfleik var 13:7 og voru Valskonur með forystu frá upphafi til enda.
Díana Dögg Magnúsdóttir skoraði átta mörk fyrir Val og Diana Satkauskaite gerði sex. Anna Úrsúla Guðmundsdóttir skoraði þrjú mörk í fyrsta leik sínum fyrir Val í nokkur ár. Perla Ruth Albertsdóttir skoraði fjögur fyrir Selfoss.
Með sigrinum náði Valur þriggja stiga forskot á toppi deildarinnar en Selfoss er í 6. sæti með fimm stig og í fallbaráttu.