Stjarnan burstaði Víking með 20 marka mun þegar liðin áttust við í Olís-deild karla í handknattleik í Víkinni í kvöld. Lokatölur urðu 41:21.
Eins og tölurnar gefa til kynna voru yfirburðir Stjörnunnar miklir en staðan í hálfleik var 20:11, Stjörnumönnum í vil.
Víglundur Jarl Þorsteinsson og Egidijus Mikalonis skoruðu 5 mörk hvor fyrir Víking. Hjá Stjörnunni voru þeir Ari Magnús Þorgeirsson og Leó Snær Pétursson markahæstir með 7 mörk hvor og Egill Magnússon kom næstur með 5 mörk.
Með sigrinum komst Stjarnan upp að hlið ÍR en liðin eru 15 stig í 7.-8. sæti en Víkingar verma botnsætið með 5 stig.