Daníel Freyr Andrésson átti stórleik er Ricoh vann öruggan 39:18-sigur á Aranäs í efstu deild Svíþjóðar í handbolta í dag. Daníel varði 14 skot, þar af tvö víti og skoraði eitt mark sjálfur, en hann var með 48% markvörslu. Ricoh er í 11. sæti deildarinnar með 16 stig.
Topplið Kristianstad vann nauman 24:23-heimasigur á Alingsås. Ólafur Guðmundsson skoraði þrjú mörk fyrir Kristianstad en Gunnar Steinn Jónsson og Arnar Freyr Arnarsson komust ekki á blað. Kristianstad er með átta stiga forskot á toppi deildarinnar.
Örn Ingi Bjarkason lék ekki með Hammarby sem tapaði fyrir Lugi, 29:20. Örn hefur verið að glíma við þrálát meiðsli.