West Wien hafði betur gegn Bregenz, 29:22, í úrslitakeppninni um austurríska meistaratitilinn í handknattleik í kvöld. Íslendingar voru áberandi hjá West Wien því Viggó Kristjánsson skoraði sjö mörk og Ólafur Bjarki Ragnarsson gerði fimm mörk. Hannes Jón Jónsson þjálfar liðið.
Leikurinn var liður í úrslitakeppninni í Austurríki, en í henni fara fimm efstu lið deildarinnar og keppa heima og heiman sín á milli um Austurríkismeistaratitilinn. West Wien er í 4. sæti riðilsins með 13 stig, fimm stigum á eftir toppliði Hard.