Akureyri þurfti ekki að svitna við það að auka forskot sitt í Grill 66-deild karla í handbolta í dag. Akureyri átti að mæta Stjörnunnni U í 15. umferð deildarinnar, en Stjörnumenn mættu ekki til leiks og verður Akureyri því dæmdur 10:0-sigur í leiknum.
Akureyri trónir á toppi deildarinnar með 27 stig eftir þennan sigur. Akureyri hefur nú þriggja stiga forskot á nágranna sína, KA, en norðanliðin eru í harðri baráttu um að komast beint upp í efstu deild á næstu leiktíð.
KA-menn hugsa líklega Stjörnumönnum þegjandi þörfina að etja ekki kappi við Akureyri í dag.