Mótanefnd og stjórn HSÍ hafa ákveðið að breyta tímasetningu lokaumferðar Olís-deildar karla.
A-landslið kvenna á heimaleik í undankeppni EM gegn Slóveníu þann 21. mars nk. Enn fremur hefur þátttaka ÍBV í Evrópukeppni, þau áhrif að lokaumferðin getur ekki farið fram á tilsettum tíma eins og áður hefur komið fram, en skv. reglugerð HSÍ um handknattleiksmót skal umferðin öll leikin á sama tíma.
Lokaumferðin fer því fram að landsleik loknum, miðvikudaginn 21. mars kl. 20:30.