Guðjón Valur Sigurðsson er ekki einn þeirra 20 leikmanna sem Guðmundur Þórður Guðmundsson, landsliðsþjálfari í handknattleik karla, valdi í sinn fyrsta landsliðshóp og tilkynntur var á blaðamannafundi sem stendur ný yfir. Fjórir nýliðar eru í hópnum, Alexander Örn Júlíusson úr Val, Selfyssingurinn Haukur Þrastarson, markvörðurinn ungi úr Fram, Viktor Gísli Hallgrímsson og Selfyssingurinn Ragnar Jóhannsson sem leikur með þýska 1. deildarliðinu Hüttenberg.
Guðjón Valur fær frí af fjölskylduástæðum en hann er á leið til Bandaríkjanna með dóttur sína þar sem þau skoða háskóla.
Stefán Rafn Sigurmannsson, Ólafur Gústafsson, Ólafur Bjarki Ragnarsson, Ragnar Jóhannsson og Vignir Svavarsson eru í landsliðshópnum að þessu sinni en þeir hafa ekki verið í hópnum um nokkurt skeið.
Af þeim leikmönnum sem tóku þátt í EM í Króatíu eru Ágúst Elí Björgvinsson, markvörður, Ásgeir Örn Hallgrímsson, Arnór Atlason, Kári Kristján Kristjánsson, Bjarki Már Gunnarsson og Janus Daði Smárason auk Guðjón Vals ekki í landsliðshópnum að þessu sinni. Janus Daði og Ásgeir Örn glíma við meiðsli og eru ekki í hópnum af þeim ástæðum.
Guðjón Valur hefur leikið með íslenska landsliðinu frá árinu 1999 og á að baki 346 landsleiki sem hann hefur skoraði í 1.812 mörk sem er heimsmet. Hann hefur verið fyrirliði íslenska landsliðsins um árabil. Ekki er ljóst hvort Guðjón Valur hafi leikið sinn síðasta landsleik eða ekki þótt hann sé ekki í landsliðshópnum að þessu sinni.
Framundan hjá íslenska landsliðinu er þátttaka í fjögurra liða móti í Noregi 5. – 9.apríl þar sem leikið veriður gegn landsliðum Noregs, Danmerkur og Frakklands. Af þeim 20 leikmönnum sem Guðmundur Þórður valdi í hópinn og til æfinga fyrir mótið í Noregi reiknar hann með að velja 18 leikmenn til þátttöku í mótinu.
Hópurinn er skipaður eftirtöldum leikmönnum:
Markverðir:
Björgvin Páll Gústavsson, Haukum
Aron Rafn Eðvarðsson, ÍBV
Viktor Gísli Hallgrímsson, Fram
Vinstra horn:
Bjarki Már Elísson, Füchse Berlin
Stefán Rafn Sigurmannsson, Pick Szeged
Vinstri skyttur:
Aron Pálmarsson, Barcelona
Ólafur Andrés Guðmundsson, Kristianstad
Ólafur Gústafsson, KIF Kolding
Miðjumenn:
Gísli Þorgeir Kristjánsson, FH
Ólafur Bjarki Ragnarsson, West Wien
Haukur Þrastarson, Selfossi
Hægri skyttur:
Ómar Ingi Magnússon, Aarhus Håndbold
Rúnar Kárason, Hannover-Burgdorf
Ragnar Jóhannsson, Hüttenberg
Hægra horn:
Theodór Sigurbjörnsson, ÍBV
Arnór Þór Gunnarsson, Bergischer HC
Línumenn:
Vignir Svavarsson, Team Tvis Holstebro
Arnar Freyr Arnarsson, Kristianstad
Ýmir Örn Gíslason, Val
Varnarmaður:
Alexander Örn Júlíusson, Val