Grátlegt tap fyrir Þjóðverjum

Íslenska kvennalandsliðið í handbolta skipað leikmönnum 20 ára og yngri þurfti að sætta sig við grátlegt 25:24-tap gegn Þjóðverjum í öðrum leik sínum í undankeppni HM í Ungverjalandi í dag. Riðilinn er leikinn í Vestmannaeyjum. 

Ísland vann stórsigur á Makedóníu í gær á meðan Þýskaland vann Litháen og var leikurinn í dag því að öllum líkindum hreinn úrslitaleikur um hvort liðið myndi enda í efsta sæti riðilsins. Tvö lið úr riðlinum fara þó áfram og íslenska liðinu nægir sigur gegn Litháen í lokaleik riðilsins á morgun til að tryggja sér sæti á HM. 

Lovísa Thompson var markahæst hjá íslenska liðinu með sjö mörk og þær Sandra Erlingsdóttir og Bertha Rut Harðardóttir skoruðu fimm mörk hvor. Andrea Jacobson skoraði fjögur. 

• Blogga um frétt