Handboltakonan Elena Elísabet Birgisdóttir frá Selfossi, sem hefur leikið með Stjörnunni í Garðabæ undafarin tvö ár, hefur gert tveggja ára samning við norska B-deildarliðið Førde.
Hilmar Guðlaugsson tók nýlega við þjálfun Førde af Kristni Guðmundssyni sem stýrt hefur liðinu undanfarin þrjú ár og undir hans stjórn vann liðið sér sæti í B-deildinni fyrir ári síðan. Liðið endaði í 9. sæti af 12 liðum í deildinni á nýafstöðnu tímabili.
„Með þessu fetar Elena í fótspor frænku sinnar Ingu Fríðu Tryggvadóttur og Selfyssinganna Auðar Hermannsdóttur og Huldu Bjarnadóttur sem allar spiluðu í atvinnumennsku eftir að hafa slitið handboltaskónum á Selfossi,“ segir í frétt á heimasíðu Selfyssinga.