Handknattleikskonan Ramune Pekarskyte leikur ekki áfram með Stjörnunni á næsta keppnistímabili. Hún gekk til liðs við Stjörnuna fyrir ári og var markahæsti leikmaður liðsins í vetur sem leið. Engu að síður var ekki vilji meðal forráðamanna Stjörnunnar að endurnýja samninginn við Ramune, eftir því sem heimildir Morgunblaðsins herma.
Óvíst hvað Ramune tekur sér fyrir hendur á næsta keppnistímabili en hálfur annar áratugur er síðan hún kom fyrst til landsins.