Handknattleiksdeild FH hefur gert samning við serbneska markvörðinn Lazar Minic. Þetta kemur fram í fréttatilkynningu sem barst nú rétt fyrir hádegi.
Lazar Minic er 23 ára gamall og hefur spilað í heimalandinu undanfarin tímabil við góðan orðstír. Hjá FH mun hann mynda markvarðapar með Birki Fannari Bragasyni á næsta tímabili. Honum er ætlað að fylla skarð Ágústs Elís Björgvinssonar sem fór til Sävehof eftir síðasta tímabil.