Snorri Steinn segist hættur

Snorri Steinn Guðjónsson, annar þjálfari karlaliðs Vals í handknattleik, ætlar ekki að leika með liðinu sínu á næsta keppnistímabili.

Snorri staðfesti í samtali við Morgunblaðið í gær að hann hefði fyrir löngu ákveðið að hætta að leika og einbeita sér að þjálfun. Snorri Steinn lék aðeins með Val á síðari hluta síðasta keppnistímabils. Hann lék árum saman í Þýskalandi, í Danmörku og í Frakklandi og á að baki á þriðja hundrað landsleikja.