Janus Daði Smárason og Ómar Ingi Magnússon fara vel af stað með Aalborg í dönsku A-deildinni í handbolta. Liðið lagði Skanderborg á útivelli í dag, 30:36, og litu fimm íslensk mörk dagsins ljós í leiknum.
Janus var afar öruggur í sínum aðgerðum og skoraði fjögur mörk í fjórum skotum en Ómar Ingi skoraði eitt í tveimur skotum. Aalborg er með fullt hús stiga eftir tvo leiki eins og Íslendingaliðin GOG og Hostebro.