Haukar eru sigursælasta liðið í handknattleik karla hér á land á þessari öld og fyrir vikið verið öðrum fyrirmynd hvernig skuli unnið við og haldið saman liði sem getur verið í titlabaráttu ár eftir ár.
Haukar, eins og annað sigursælt lið Valur, bætti ekkert í bikarasafn karlaliðsins á síðustu leiktíð. Eftir að hafa unnið Íslandsmeistaratitilinn tvö ár í röð 2015 og 2016, hefur árangur liðsins tvö síðustu keppnistímabil valdið stuðningsmönnum og stjórnendum Hauka vonbrigðum. Varla sætta Ásvallabændur sig við að ganga tómhentir frá þriðja keppnistímabilinu í röð?
Gunnar Magnússon heldur um stjórntaumana hjá liði Hauka þriðju leiktíðina í röð samhliða starfi sínu sem aðstoðarlandsliðsþjálfari.
Greinin í heild er í Morgunblaðinu í dag og þar er fjallað um liðin sem talið er að endi í fjórum efstu sætum Olísdeildar karla.