Landsliðsmaðurinn Arnór Þór Gunnarsson er annar markahæsti leikmaðurinn í þýsku 1. deildinni í handknattleik.
Arnór Þór skoraði 5 mörk fyrir Bergischer í gær þegar liðið vann stórsigur á Lemgo 35:26. Arnór hefur þar með skorað 40 mörk í fimm leikjum með nýliðunum eða 8 mörk að meðaltali í leik.
Mattias Musche úr Magdeburg er markahæstur í deildinni með 55 mörk en hann hefur spilað einum leik meira en Arnór. Þriðji á markalistanum er Jannik Kohlbacker úr Rhein-Neckar Löwen en hann hefur skorað 32 mörk.