„Það er hálfleikur í þessu einvígi. Maður hefur verið þremur mörkum undir að loknum fyrri hálfleik en náð að vinna leikinn þegar upp er staðið,“ sagði Einar Sverrisson, leikmaður handknattleiksliðs Selfoss, spurður út í síðari leikinn við Riko Ribnica frá Slóveníu sem hefst á Selfossi klukkan 18 í dag.
Um er að ræða síðari viðureign Selfoss og Riko Ribnica í annarri umferð EHF-keppninnar í handknattleik. Slóvenarnir unnu fyrri viðureignina ytra, 30:27. „Við höfum séð það svartara í Evrópukeppni,“ sagði hinn þrautreyndi þjálfari Selfoss, Patrekur Jóhannesson, í samtali við Morgunblaðið eftir fyrri viðureignina.
„Við teljum okkur eiga góða möguleika á að snúa taflinu við og komast í næstu umferð keppninnar enda er munurinn á getu liðanna ekki mikill,“ sagði Einar sem er ein skæðasta skytta Selfossliðsins.
Sjá samtal við Einar í heild í íþróttablaðði Morgunblaðsins í dag.