Teitur Örn Einarsson fór á kostum fyrir sænska meistaraliðið Kristianstad þegar liðið vann öruggan útisigur á Önnereds, 36:25, í úrvalsdeildinni í handknattleik þar í landi í kvöld.
Teitur skoraði níu mörk fyrir Kristianstad og var markahæstur á vellinum. Arnar Freyr Arnarsson skoraði ekki fyrir Kristianstad, sem var sjö mörkum yfir í hálfleik 19:11. Ólafur Guðmundsson var ekki á skýrslu hjá liðinu í kvöld.
Kristianstad er með fullt hús stiga eftir sex leiki í sænsku úrvalsdeildinni.