Þrír leikir fara fram í Olís-deild kvenna í handknattleik í kvöld en HK fær Íslands- og bikarmeistara Fram í heimsókn í Digranesið.
Leikurinn hefst klukkan 19:30. Á sama tíma eigast við Valur og Selfoss á Hlíðarenda. Leikur KA/Þórs og Stjörnunnar er á dagskrá öllu fyrr eða klukkan 18:15 á Akureyri.
Fram er í efsta sæti með fullt hús stiga eftir fjóra leiki en Valur og ÍBV koma næst með 5 stig. Selfoss er eina liðið í deildinni sem er án sigurs eftir fjóra leiki en getur bætt úr því í kvöld.