Á þingi Alþjóðahandknattleikssambandsins í Doha í Katar í dag var tilkynnt að fjölga eigi liðum á heimsmeistaramóti karla og kvenna árið 2021.
Árið 2021 verður heimsmeistaramót karla haldið í Egyptalandi og HM kvenna á Spáni. Þátttökuþjóðir verða 32 á mótinu í stað 24.
Með þessu vill Alþjóðahandknattleikssambandið gefa fleiri þjóðum möguleika á að spreyta sig á stærsta sviðinu.