Bjarni Fritzson, þjálfari karlaliðs ÍR í handknattleik, var í dag úrskurðaður í eins leiks bann á fundi aganefndar HSÍ.
Bjarni hlaut útilokun með skýrslu vegna grófrar óíþróttamannslegrar hegðunar í leik KA og ÍR í Olís-deildinni á Akureyri um síðustu helgi. Dómarar meta að brotið falli undir reglu 8:10 a). Með tilvísun í 10. gr. reglugerðar HSÍ um agamál er það niðurstaða aganefndar að þjálfarinn er úrskurðaður í eins leiks bann.
Bjarni mun því ekki stýra ÍR-liðinu í næsta leik sem er heimaleikur á móti FH fimmtudaginn 1. nóvember.