Aron Pálmarsson átti fínan leik fyrir Barcelona í öruggum 45:31-heimasigri á La Rioja í A-deild Spánar í handbolta í kvöld. Aron skoraði fjögur mörk í úr sex skotum.
Barcelona er búið að vinna alla níu deildarleiki sína til þessa og er liðið því með 18 stig í toppsætinu, sjö stigum á undan næstu þremur liðum.
Næsta verkefni Barcelona er gríðarlega erfiður útileikur gegn Vardar í Meistaradeildinni á laugardaginn kemur.