Guðjón Valur Sigurðsson fór á kostum fyrir þýska liðið Rhein-Neckar Löwen í glæsilegum 37:27-heimasigri á Montpellier frá Frakklandi í Meistaradeild Evrópu í handbolta í kvöld.
Guðjón Valur var markahæstur allra með ellefu mörk og skoraði hann sjö af síðustu tólf mörkum liðsins. Alexander Petersson skoraði tvö mörk fyrir Löwen.
Með sigrinum jafnaði Löwen topplið Barcelona á toppnum á A-riðli með tíu stig, en Barcelona á leik til góða. Vardar er einnig með tíu stig í þriðja sæti og á einnig leik til góða.