Suður- og Norður-Kórea tefla fram sameiginlegu liði á HM karla í handbolta í janúar, en mótið fer fram í Danmörku og Þýskalandi. Kórea fékk úthlutað síðasta lausa sætinu á HM í síðasta mánuði, sem boðssæti, sem Alþjóða handboltasambandið getur úthlutað. RÚV greindi frá í dag.
Kórea verður í A-riðli á mótinnu ásamt Frakklandi, Rússlandi, Þýskalandi, Serbíu og Brasilíu og er riðillinn leikinn í Berlín. Norður-Kórea, ólíkt suðrinu, hefur aldrei keppt á lokamóti HM karla áður.
Það verða að lágmarki fjórir leikmenn frá Norður-Kóreu í leikmannahópnum og fær kóreska liðið því 20 leikmenn í sínum landsliðshóp í stað 16 leikmanna.