Akureyringurinn Geir Guðmundsson mætti núverandi Evrópumeisturum Montpellier með liði sínu Cesson Rennes í franska handboltanum í kvöld.
Leikurinn fór fram í Montpellier og heimamenn höfðu betur 34:29. Geir skoraði eitt mark að þessu sinni fyrir Rennes.
Montpellier hefur unnið sjö leiki af níu og gert eitt jafntefli í deildinni í vetur. Liðið á leik til góða á efsta liðið Chambery.
Rennes er í 9. sæti af 14 liðum en liðið hefur unnið þrjá leiki af tíu, gert eitt jafntefli og tapað sex.