Sænska meistaraliðið Kristianstad fékk skell í sænska handboltanum í dag og tapaði 33:23 fyrir Alingsås á útivelli. Kristianstad er efst ásamt Malmö en Alingsås er nú aðeins stigi á eftir.
Toppbaráttan í sænsku deildakeppninni harðnaði því nokkuð í dag. Kristianstad leikur í Meistaradeildinni og ef til vill tekur það sinn toll af liðinu.
Ólafur Guðmundsson skoraði 5 mörk fyrir Kristianstad, Teitur Örn Einarsson skoraði 3 og Arnar Freyr Arnarsson eitt mark.