Aron Pálmarsson og samherjar hans í Barcelona eru áfram með fullt hús stiga í spænsku efstu deildinni í handknattleik eftir 46:28-sigur á Puente Genil í dag. Barcelona er á toppnum með 28 stig og 14 sigra eftir 14 umferðir.
Heimamenn í Puente Genil eru í 13. sæti og voru einfaldlega númerinu of litlir en staðan var orðin 25:14-í hálfleik, Börsungum í vil. Aron skoraði þrjú mörk mörk í leiknum úr þremur skotum.
Þá halda Stefán Darri Þórsson og félagar í Alcobendas áfram að tapa, nú 32:26-gegn Cuenca en Alcobendas er á botni deildarinnar með aðeins sex stig eftir 13 leiki. Stefán skoraði eitt mark í leiknum.