Köln í Þýskalandi verður áfram gestgjafi úrslitahelgarinnar í Meistaradeild karla í handknattleik eins og verið hefur. Samningur þess efnis hefur verið undirritaður og verður keppnin í Köln alla vega til ársins 2024.
Höllin glæsilega Lanxess Arena er vettvangur leikjanna en þegar úrslitahelgin fer fram fara fram undanúrslitaleikirnir en einnig leikið um sæti.
Í sumar verða síðustu leikir keppninnar 1. og 2. júní og er það í tíunda skiptið sem þeir eru spilaðir með þessu sniði.
Síðast þegar úrslitaleikir keppninnar voru spilaðir heima og að heiman var sumarið 2009 og þá höfðu Ólafur Stefánsson og samherjar hans í Ciudad Real betur gegn Kiel 67:66.