Arnór Þór Gunnarsson og félagar í Bergischer náðu góðum endasprett til að kreista fram jafntefli, 22:22, í leik sínum gegn Lemgo í þýsku efstu deildinni í handknattleik í dag.
Arnór og félagar byrjuðu leikinn betur en lendu undir skömmu fyrir leikhlé. Lið Lemgo bætti svo í forystu sína eftir hlé og var mest fimm mörkum yfir, 20:15, en þá skoruðu leikmenn Bergischer fimm mörk í röð og Arnór sjálfur jöfnunarmarkið. Arnór skoraði alls þrjú mörk er gestirnir jöfnuðu að lokum í 22:22 og þar við sat.
Bergischer er í 8. sæti deildarinnar eftir 18 umferðir með 19 stig.