Félagar Kolbeins Arons Arnarsonar sem varð bráðkvaddur á aðfangadag héldu síðdegis í dag á Heimaklett. Þar tendruðu þeir kerti til minningar um fallinn félaga. Frá þessu er greint á eyjar.net.
Kolbeinn var markvörður Eyjamanna í handknattleik en hann lék 279 leiki fyrir félagið og er fjórði leikjahæsti leikmaður liðsins. Kolbeinn Aron átti stóran þátt í því er liðið varð eftirminnilega Íslandsmeistari í fyrsta skipti árið 2014 og bikarmeistari ári síðar.