Var ekkert að hugsa heim

„Það verður nýtt fyrir mig og fjölskylduna að vera að flytja til Íslands. Spurningin var samt alltaf hvenær við færum heim, ekki hvort,“ sagði handknattleiksþjálfarinn Hannes Jón Jónsson í samtali við Morgunblaðið í gær.

Hann er á heimleið eftir 14 ár sem leikmaður og þjálfari erlendis eftir að hafa samið við Selfoss til þriggja ára.

Hannes mun þjálfa karlalið félagsins, auk þess sem hann verður framkvæmdastjóri handknattleiksakademíunnar á Selfossi. Hann tekur við af Patreki Jóhannessyni sem hefur samið við danska meistaraliðið Skjern og Hannes er sammála því að hann taki við góðu búi.

Sjá viðtal við Hannes í heild í íþróttablaði Morgunblaðsins í dag.