Helena Rut Örvarsdóttir, landsliðskona í handbolta, skrifaði í dag undir samning við franska félagið Dijon. Samningurinn gildir út leiktíðina og er möguleiki á framlengingu um eitt ár.
Helena kemur til franska félagsins frá Byåsen í Noregi, þar sem hún lék í eitt og hálft ár. Þar á undan var hún í Stjörnunni.
Helena er 24 ára vinstri skytta. Hún gæti leikið sinn fyrsta leik fyrir Dijon 9. febrúar næstkomandi. Dijon er í tíunda sæti af tólf liðum í efstu deild Frakklands og er liðið búið að vinna tvo leiki, gera tvö jafntefli og tapa ellefu leikjum á tímabilinu.
Íslenska landsliðskonan gæti leikið sinn fyrsta leik 9. febrúar næstkomandi er liðið mætir Bourg De Peage á útivelli, en aðeins eitt stig skilur liðin að og því um mikilvægan leik að ræða.