Oddur Gretarsson átti enn og aftur góðan leik fyrir Balingen, er liðið vann Elbflorenz á heimavelli sínum í þýsku B-deildinni í handbolta í dag, 30:23. Oddur var markahæstur í sínu liði með sjö mörk.
Balingen er í toppsæti deildarinnar með 39 stig, fjórum stigum meira en Coburg sem er í öðru sæti. Liðið er svo með fimm stiga forskot á Nordhorn í þriðja sætinu, en efstu tvö liðin fara upp í deild þeirra bestu.
Ragnar Jóhannsson skoraði fimm mörk fyrir Hüttenberg í 27:24-sigri á Emsdetten á útiveli. Hüttenberg er í 10. sæti deildarinnar með 22 stig. Sigtryggur Daði Rúnarsson lék svo ekki með Lübeck-Schwartau í 26:19-sigri á Rimpar.