Handknattleiksfólk tekur upp þráðinn um helgina eftir nokkurt hlé á keppni í Olís-deildum karla og kvenna vegna undanúrslita og úrslitaleikja Coca Cola-bikarsins á dögunum.
Reyndar var ein eftirlegukind eftir úr 17. umferð áður en kom að bikarvikunni. Erfiðlega gekk að koma henni í hús en það tókst loks í fjórðu tilraun á miðvikudaginn þegar leikmönnum Akureyrar handboltafélags lánaðist að sækja Eyjamenn heim. Fimm umferðir eru eftir og þær verða leiknar jafnt og þétt fram til 6. apríl.
Heil umferð fer fram í Olís-deild karla frá og með deginum í dag og lýkur á mánudagskvöldið. Efsta lið deildarinnar, Haukar, og ÍR-ingar ríða á vaðið í kvöld klukkan 18 í Schenker-höllinni á Ásvöllum. Haukar hafa eins stigs forskot í efsta sæti. Leikmenn ÍR eru í harðri baráttu við ÍR, Stjörnuna, KA og jafnvel Framara um sjöunda og áttunda sætið.
Á morgun verður afar athyglisverður leikur í íþróttahöllinni á Akureyri þegar tvö neðstu liðin leiða saman hesta sína, Akureyri handboltafélag og Grótta.
Sjá greinina í heild í íþróttablaði Morgunblaðsins og þar má einnig sjá úrvalslið 17. umferðar Olísdeildar karla.