Stefán og félagar númeri of litlir

Stefán Rafn Sigurmannsson og félagar töpuðu í Skopje.
Stefán Rafn Sigurmannsson og félagar töpuðu í Skopje. mbl.is/Haraldur Jónasson/Hari

Stefán Rafn Sigurmannsson og félagar í ungverska liðinu Pick Szeged eru í erfiðri stöðu í átta liða úrslitum Meistaradeildarinnar í handbolta eftir 23:31-tap á útivelli fyrir Vardar frá Norður-Makedóníu í fyrri leik liðanna í dag. 

Staðan í hálfleik var 14:12 og þegar skammt var eftir var staðan 21:20, Vardar í vil. Vardar skoraði hins vegar tíu af síðustu þrettán mörkum leiksins og tryggði sér sannfærandi sigur og góða stöðu fyrir síðari leikinn í Ungverjalandi. 

Stefán Rafn skoraði tvö mörk fyrir Pick Szeged og var annað þeirra síðasta mark liðsins og kom af vítalínunni. Síðari leikurinn fer fram sunnudaginn 5. maí. 

mbl.is
Fleira áhugavert
Fleira áhugavert