Aron Pálmarsson og samherjar hans Í Barcelona unnu afar sannfærandi 47:27-sigur á Huesca á útivelli í lokaleik spænsku A-deildarinnar í handbolta í dag.
Aron átti fínan leik fyrir Barcelona og skoraði úr öllum fjórum skotum sínum. Barcelona er búið að vera með fáheyrða yfirburði í spænskum handbolta undanfarin ár og vann liðið 29 leiki og gerði eitt jafntefli á leiktíðinni.
Stefán Darri Þórsson og félagar í Alcobendas töpuðu fyrir Valladolid á heimavelli, 38:27. Stefán skoraði eitt mark, en Alcobendas hafnaði í neðsta sæti deildarinnar með aðeins níu stig.