Bietigheim undir stjórn Hannesar Jóns Jónssonar vann dýrmætan 25:23-heimasigur á Lemgo í efstu deild Þýskalands í handbolta í kvöld.
Staðan í hálfleik var 13:10, Bietigheim í vil. Christian Schäfer var markahæstur hjá Bietigheim með sex mörk á meðan tíu mörk Patrick Zieker dugðu ekki til fyrir Lemgo.
Með sigrinum fór Bietigheim upp í 13 stig og upp að hlið Gummersbach sem er í síðasta örugga sætinu í deildinni þegar tvær umferðir eru eftir.
Bietigheim á því ágæta á að bjarga sér frá falli, þrátt fyrir að liðið hafi aðeins unnið einn leik á milli 22. nóvember og 5. maí.