Handknattleikskappinn Kristinn Hrannar Bjarkason er genginn til liðs við Fram en þetta kemur fram á heimasíðu félagsins.
Kristinn Hrannar kemur til félagsins frá Aftureldingu í Mosfellsbæ og skrifar hann undir tveggja ára samning við Safamýrarliðið.
Kristinn er fæddur árið 1995 og er hornamaður að upplagi en hann getur líka spilað í skyttustöðunni. Hann skoraði eitt mark að meðaltali í úrvalsdeildinni í vetur í 21 leik.