Andri Ólafsson verður þjálfari kvennaliðs ÍBV í fótbolta á næsta tímabili. Hann tekur við af Jóni Ólafi Daníelssyni sem hefur stýrt liðinu á tímabilinu en þetta kom fram í viðtali við Jón Ólaf hér á mbl.is fyrr í dag.
Andri hefur verið aðstoðarmaður Ian Jeffs hjá karlaliðinu síðan í júlí.
ÍBV hafði betur gegn Fylki í Pepsi Max-deildinni í dag, 2:0, og tryggði sér í leiðinni sæti í efstu deild að ári, en ÍBV sogaðist í fallbaráttu eftir erfitt gengi síðari hluta sumars.
Andri er 34 ára gamall og lék hann með ÍBV stærstan hluta ferilsins. Hann lék einnig með Grindavík, KR og KFS.