Ekki er ofmælt að segja að unglingalandsliðskonan Lena Margrét Valdimarsdóttir hafi farið hamförum þegar ungmennalið Fram og ungmennalið Vals mættust í Grill66-deild kvenna á miðvikudag.
Lena skoraði 20 mörk í leiknum en Fram sigraði 41:29. Óvíst er að leikmaður hafi nokkurn tíma skorað fleiri mörk í deildakeppni á Íslandi. Í fyrstu fimm leikjum Fram í deildinni hefur Lena skorað sextíu mörk og vefst því fyrir fleirum en Valskonum að halda aftur af henni í markaskorun.