Aron og félagar með þriggja stiga forskot

Aron Dagur Pálsson lék með Stjörnunni áður en hann hélt …
Aron Dagur Pálsson lék með Stjörnunni áður en hann hélt til Svíþjóðar. mbl.is/Kristinn Magnússon

Aron Dagur Pálsson og samherjar hans í Alingsås náðu í dag þriggja stiga forskoti á toppi sænsku úrvalsdeildarinnar í handbolta. Alingsås hafði betur gegn Kristianstad í Íslendingaslag á heimavelli, 29:28. 

Aron Dagur komst ekki á blað hjá Alingsås en Teitur Örn Einarsson skoraði fjögur mörk fyrir Kristianstad. Ólafur Andrés Guðmundsson var ekki í leikmannahópi liðsins. 

Alingsås er með 18 stig á toppi deildarinnar með þremur stigum meira en Malmö. Kristianstad hefur valdið vonbrigðum á tímabilinu og er liðið í sjötta sæti með tólf stig. 

mbl.is